"Aqjaiyq" ӘКК " АҚ агроөнеркәсіптік кешен саласындағы жобаларды кредиттеу бағдарламасы шеңберінде құжаттарды қабылдауды жүзеге асырады
Құжаттарды қабылдау кезеңі: 2025 жылғы 06 ақпаннан бастап
Үміткерлер: агроөнеркәсіп кешенінде қызмет жүзеге асыратын жеке және заңды тұлғалар
Мақсатты бағыт – жаңадан құру немесе жұмыс істеп тұрғандарын кеңейту:
- сүт-тауар фермалары (қуаттылығы 400 бастан бастап);
- ет бағытындағы құс фабрикалары (жылына 5000 тонна құс еті);
- етті мал шаруашылығы кәсіпорындары (5000 бастан бастап);
- көкөніс сақтау қоймалары (1000 тоннадан бастап);
- жеміс сақтау қоймалары (1000 тоннадан бастап);
- өнеркәсіптік жылыжай кешендері;
- ауыл шаруашылығы өнімдерін терең өңдеу кәсіпорындары, оның ішінде жүн және тері;
- жылына 25 тоннадан бастап тауарлық балық өндіретін балық өсіру шаруашылықтары;
- қуаттылығы тәулігіне 1 тоннадан бастап балықты бөлшектеу, терең қайта өңдеу және сақтау кәсіпорындары;
- осы Қағидалар шеңберінде АӨК саласындағы жобалар бойынша орау материалдарын өндіру кәсіпорындары;
- құс шаруашылығындағы асыл тұқымды репродукторлар;
- қазіргі заманғы су үнемдеу технологияларын (жауындатып суару, тамшылатып суару) қолдана отырып суармалы егіншілік (картоп және көкөніс, мал азығы өндірісі).
Кепілдік қамтамасыз ету: жылжымайтын және жылжымалы мүлік
Кредит беру шарттары:
| Кредит валютасы | теңге |
| Кредит мерзімі | 10 (он) жылға дейін |
| Кредиттің максималды сомасы | 5 (бес) миллиард теңгеден аспайды |
| Сыйақының номиналды мөлшерлемесі | жылдық 2,5 (екі жарым) пайыздан аспайды |
| Негізгі борышты өтеу | тең үлестермен, жылына кемінде 1 рет |
| Кредит бойынша сыйақыны төлеу | жылына кемінде 1 рет |
| Өтеу бойынша жеңілдікті кезең: | |
| негізгі борыш | 24 айға дейін |
| кредит бойынша сыйақы | 12 айға дейін |
Потенциалды жобалар мен қатысушыларға қойылатын талаптар:
- әлеуметтік маңызы бар азық-түлік тауарларын импортты алмастыруды ескере отырып, салалық орындылығы;
- аймақ халқын сапалы және қолжетімді азық-түлік өнімдерімен қамтамасыз ету;
- уақытша және тұрақты жұмыс орындарын құру;
- үміткердің ауыл шаруашылығы өнімдерін өндіру және (немесе) өңдеу саласында кемінде 5 (бес) жыл жұмыс тәжірибесінің болуы, немесе кәсіпорын басшысының осы салада кемінде 5 (бес) жыл еңбек өтілінің болуы;
- кредиттік және лизингтік міндеттемелер бойынша 90 (тоқсан) күннен астам мерзімі өткен берешектің болмауы;
- берік жемшөп базасын қалыптастыру үшін қажетті ауыл шаруашылығы алқаптарының, сондай-ақ ауыл шаруашылығы техникасының материалдық-техникалық жарақтандырылуының болуы.