«Aqjaiyq» ӘКК» АҚ көктемгі егіс жұмыстарын жүргізуге әлеуметтік маңызы бар азық-түлік тауарларын өндірушілерді қаржыландыру бойынша өтінімдерді қабылдаудың басталғаны туралы хабарлайды.
Өтінім беру: кәсіпкерлік субъектісінің қарыз алуға өтінімін «Аqjaiyq» ӘКК» АҚ-ға жібереді. Өтінімдер бойынша кәсіпкерлік субъектілеріне қойылатын талаптарға (өлшемшарттарға) сәйкес БҚО азық-түлік тауарларының тұрақтандыру қорын басқару жөніндегі комиссия айқындайды;
Мерзім, % мөлшерлеме: шарт жасалған сәттен бастап 12 айға, жылдық 0,01% сыйақы мөлшерлемесімен, қарыз мерзімі келісілген өтеу кестесі аясында негізгі борыш пен сыйақы бойынша бекітіледі.
Міндеттемелердің орындалуын қамтамасыз ету: кепіл (жылжымайтын мүлік), банк кепілдігі, сақтандыру шарты түрінде беріледі. Міндеттемелердің орындалуын қамтамасыз ету заңнамада көзделген жазбаша нысанда ресімделеді
Кәсіпкерлік субъектілеріне қойылатын талаптар (өлшемдер):
1) кәсіпкерлік субъектілерінде азық-түлік тауарларын тиісінше сақтауға және азық-түлік тауарларымен сатып алу және өзге де операцияларды орындауға арналған және әлеуметтік маңызы бар азық-түлік тауарларына бағаларды тежеуге бағытталған шаралар кешенін қамтамасыз етуге мүмкіндік беретін сауда-логистикалық инфрақұрылымның (қойма құрылыстары, арнайы жабдығы бар үй-жайлар және басқалар) болуы;
2) банк өнімдері (кредиттер, лизингтер, есеп айырысу шоттарына қызмет көрсету бойынша берешек) бойынша мерзімі өткен берешектің болмауы;
3) мемлекеттік сатып алу бойынша жосықсыз өнім берушілер тізімінде болмауы және мамандандырылған ұйымалдында орындалмаған және (немесе) уақтылы орындалмаған міндеттемелерінің болмауы;
4) өтінім мамандандырылған ұйым арқылы қабылданып, барлық несие тарихы мен қойылатын кепілге талдау жасалып, оң шешімін тапқаннан кейін Комиссияға қарауға енгізу ұсынылсын.
Қаржыландыруға қалай өтініш беруге болады:
Өтінім беру үшін сізге «Аqjaiyq «ӘКК» АҚ-ға құжаттар пакетімен жүгіну қажет, ол мыналарды қамтиды:
1) қаржыландыруға өтініш;
2) заңды тұлғаны мемлекеттік тіркеу (қайта тіркеу) туралы анықтама (https://egov.kz) немесе талон-ЖК жүзеге асыру туралы хабарлама;
3)ЖШС (ЖК) директоры жеке куәлігінің көшірмесі;
4) ЖШС Жарғысы, құрылтайшының қарыз алу туралы шешімі, директорды тағайындау туралы бұйрығы;
5) құрылтайшылардың, ЖШС, ЖК директорының соттылығының болуы (болмауы) туралы анықтама;
6) мемлекеттік кірістер органдарында берешектің жоқ (бар) екендігі туралы мәліметтер (салық, https://egov.kz));
7) қосымшаға сәйкес «Бірінші кредиттік бюро» ЖШС-нен ақпарат беруге келісім;
8) «Бірінші кредиттік бюро» ЖШС-нің ЖШС, (ЖК) кредиттік тарихы туралы есебі;
9) кепіл мүлкін бағалау туралы есеп;
10) жылжымайтын кепіл мүлкіне құқық белгілейтін құжаттар (техникалық паспорт, сатып алу-сату, сыйға тарту шарттары және т.б., жер учаскесінің акты, объектіні пайдалануға беру актісі және т. б.);
11) жылжымайтын кепіл мүлкіне ауыртпалықтың (кепілде болу, тиым салу) жоқ (бар) екендігі туралы анықтама (https://egov.kz);
12) жұбайының жылжымайтын мүлікті кепілге қоюға Нотариаттық келісімі (егер мүлік бірлескен меншік болып табылса);
13) қарыз қаражатын есептеу үшін банктік шоттың деректемелері;
14) Баланс, пайда мен шығын туралы есеп, 2022, 2023 және 2024 жылдың өткен кезеңі үшін ақша қаражатының қозғалысы туралы есеп.
Толық ақпарат алу үшін «Aqjaiyq «ӘКК» АҚ-ға Орал қаласы, Исатай-Махамбет көшесі 84, 2-қабат мекенжайы бойынша хабарласуға болады.
Тел. +7 (7112) 93 37 68
E-mail: info@aqjaiyq-spk.kz
