2020 ж. 29 маусымында БҚО әкімдігі «AQJAIYQ» ӘКК АҚ және «Атамекен» РКП базасында «Бизнеске арналған Үкімет» AQJAIYQ INVEST фронт-кеңсесін іске қосты.
«Бизнеске арналған Үкімет» - бұл инвесторлар мен кәсіпкерлерге қызмет көрсетудің бірыңғай орталығы.
Инвесторлар мен кәсіпкерлерге қызмет ететін өкілдер:
- даму институттары («Аграрлық несие корпорациясы» АҚ, «Ауыл шаруашылығына қаржылық қолдау көрсету Қоры» АҚ, «ҚазАгроҚаржы» АҚ, «Даму» кәсіпкерлікті дамыту қоры» АҚ, «AQJAIYQ» ӘКК» АҚ);
- табиғи монополиялар субъектілерінің өкілдері;
- аймақтық кәсіпкерлер палатасының өкілдері;
- ХҚКО (электрондық мемлекеттік қызметтер);
- мемлекеттік орган өкілдері: БҚО бойынша мемлекеттік табыстар Департаменті, БҚО жер қатынастары Басқармасы, БҚО табиғи ресурстар және табиғат пайдалануды реттеу Басқармасы, БҚО мемлекеттік сәулет құрылыс бақылауы, кәсіпкерлік және инвестициялық даму Басқармасы, ауыл шаруашылық Басқармасы;
- ҰАҚ Гипрозем;
Бұл орталықтың ашылуы инвестордың идеядан іске көшу жолын едәуір жеңілдетпек. Қажетті мамандарды бір жерге шоғырландыру кәсіпкерлерді көптеген инстанцияларға барудан босатады.
