Бүгін Орал қаласының жаңа халықаралық әуежайының салтанатты ашылу рәсімі өтті.
2019 жылдың маусымында басталған жаңа әуежайдың құрылысы биылғы жылдың наурыз айында аяқталды.
Әуежайдың құрылысы КПО б.в. компаниясының қатысуымен және қаржыландыруымен жүргізілді. Құрылыс-монтаж жұмыстарына қазақстандық компаниялар «KazConstructionGroup», «Инфратэк» ЖШС, «Стеклосервис» ЖШС және т.б. үлес қосты. Әуежайды абаттандыру мен көгалдандыруға белгілі оралдық бағбан-селекционер, «С.Исаев атындағы халықаралық тәжірибелік-эксперименттік коллекциялық бақ-бақ-бақшасының» иесі – Қайрат Кәрімов өз үлесін қосты. Әуежай қабырғаларын әсем қаламыздың суретімен безендіріп, суретші Жәрдемов Нұртай да өз үлесін тигізді.
Жолаушылар терминалының ауданы 10 мың шаршы метрді құрайды. Әуежай соңғы технологиядағы жаңа жабдықтармен жабдықталған, бұл әуежай қызметкерлеріне, сондай-ақ келушілер мен жолаушылар жұмысын жеңілдетеді.
Орал әуежайынан 7 сәуірден бастап тұрақты рейстер аймақтық және халықаралық бағыттарға рейстерді орындалады.
Ашылу салтанатында облыс әкімі Ғали Нәжімеденұлы Есқалиев Орал қаласының тұрғындары мен қонақтарын Мәншүк Мәметова атындағы жаңа әуежайдың ашылуымен құттықтап, сонымен қатар «KazConstructionGroup» құрылыс компанияларының қызметкерлеріне алғыс хаттар табыс етті.
Әуежайдың ашылуына Қазақстан Республикасының Инвестициялар және даму вице-министрі Берік Камалиев, КПО б.в. бас директоры Джанкарло Рую де қатысты.
