«Астана» халықаралық қаржы орталығы — Орталық Азия, Кавказ, ЕАЭО, Батыс Қытай, Моңғолия, Таяу Шығыс және Еуропа елдерінің экономикаларын байланыстыратын аймақтық бизнес және қаржы орталығы болып табылады.
АХҚО-ның міндеттері:
Қазақстан Республикасының экономикасына инвестиция тартуды қамтамасыз ету үшін қаржылық қызметтер саласында тартымды инвестициялық орта құру;
Қазақстан Республикасының бағалы қағаздар нарығын дамыту және оны халықаралық капитал нарықтарымен интеграциялау;
Қазақстан Республикасында сақтандыру, банк қызметтері, исламдық қаржыландыру, қаржылық технологиялар, электрондық сауда және инновациялық жобалар нарығын дамыту;
Халықаралық ең жақсы тәжірибелер негізінде қаржылық және кәсіби қызметтерді дамыту;
Халықаралық қаржы орталығы ретінде танылу.
АХҚО-ның АКТІЛЕРІ
Англия мен Уэльстің құқық принциптері, нормалары және прецеденттеріне және әлемдегі жетекші қаржы орталықтарының стандарттарына негізделген;
АХҚО органдары қабылдаған актілер АХҚО-да тіркелген компаниялар мен басқа да тиісті тұлғалар арасындағы корпоративтік, шарттық, еңбек және басқа да мәселелер бойынша туындайтын қатынастардың көпшілігін қамтиды. Қолдану саласы үнемі кеңейіп отырады.
